علمونا في المدارس كيف نقرا ذا الحروف

علمونا في المدارس كيف نقرا ذا الحروف..




علمونا كيف نرسم كيف ننقش بالنحاس..






علمونا كيف نكتب كيف نبدع بالوصوف..



كيف نبحر بالمعاني كيف نأخذها ألتباس..



علمونا كيف نصبر كيف نقوى هالظروف..



كيف نبني هالمواقف أستجابه للحواس..



والحقائق علمونالها سمع وشوف..



علمونا وعلمونا كل شي بالمقاس..



وأن حفظنا كافئونا وإن نسينا بالكفوف..



كل موقف له طريقه والجزاء هو الأساس..



فوق هذا سلمونا ولامنعوا عشق يلوف..



ولاعطونا درس قاسي يمنع القلب النعاس..



يمنع القلب يتمادى ثم ياخذنا حتوف..



بين موت وبين شوق وبين لذة سم كاس..



أتركونا للمشاعر نحترق لوعه وخوف..



نحترق بطول مسافه كلها شوك يداس..



وأتركونا في الصحاري ثوب مشقوق الكتوف..



يحتوينا قيظ حب في عذابه مات ناس..



ليتهم ماعلمونا بس عطونا بالوقوف..



درس ماشي به نماشي قسوة الحب ويباس..



ليتهم بس علمونا كيف نطفي نار جوف..



كيف نمنع ذا الخفوق ونتركه بأرض مساس..



مايجيبه الود لحظه ولانغني بالحسوف..



ولانقول شلون عشنا والعمر ماله قياس..



هي أماني والأماني حلمها فينا يطوف..



إن خذتنا بالحقيقه ماخذتنا بأختلاس..



وليتهم وسط المدارس ماعطونا ذا الحروف..



ولاعطونا كيف نرسم كيف ننقش بالنحاس..